Framvinda leiksins

Fundir	Verkefni fundar
Þingflokksfundur	Á fyrsta þingflokksfundi er rætt um þrjú ný þingmál sem eru til meðferðar á Skólaþingi.
Þingfundur	Á fyrsta þingfundi er mælt fyrir málunum þremur (1. umræða). Síðan er þeim vísað til 2. umræðu og nefndar.
Nefndarfundur	Á nefndarfundi eru málin rædd, leitað álits hjá sérfræðingum og hagsmunaaðilum og ákveðið hvort nauðsynlegt sé að gera breytingar á málunum. Nefndirnar skila nefndarálitum.
Þingflokksfundur	Á öðrum þingflokksfundi kynna nefndarmenn niðurstöður nefndanna fyrir samflokksmönnum.
Hlé	Hléið er hægt að nota til að reyna að ná samkomulagi við aðra þingmenn/flokka. Boðið er upp á veitingar.
Þingfundur	Á öðrum þingfundi er mælt fyrir nefndarálitum og breytingartillögum (2. umræða). Málin og breytingartillögur eru borin undir atkvæði og vísað til 3. umræðu.
Þingflokksfundur	Á þriðja þingflokksfundi berast óvænt tíðindi. Þingmenn hafa tækifæri til að endurskoða afstöðu sína.
Þingfundur	Á þriðja þingfundi fer fram umræða og atkvæðagreiðsla um málin (3. umræða). Við eitt málanna er flutt breytingartillaga og/eða tillaga til rökstuddrar dagskrár. Greidd eru atkvæði um tillögurnar og um málin í heild og þau afgreidd sem lög frá Skólaþingi eða felld.